හෙට සිට ක්‍රියාත්මක කිරීමට නියමිත ලොතරැයි මිල ඉහළ දැමීමේදී තමන් වෙත ගෙවන කොමිස් මුදල සාධාරණ ලෙස වැඩි කරන්නැයි ලෙස ඉල්ලා කුරුණෑගල දිස්ත්‍රික් ලොතරැයි අලෙවි නියෝජිතයෝ අද (31 දා) දහවල් කුරුණෑගල නගර මධ්‍යයේදී උද්ඝෝෂණය යෙදුණහ.
කුරුණෑගල බස් නැවතුම්පොළ ඉදිරිපිටදී විරෝධතාවයේ යෙදුණු පිරිස මීනි පෙට්ටියක් සහ ජාතික ලොතරැයි මණ්ඩලයේ සභාපතිනියගේ බව කියනු අනුරුවක්ද ප්‍රදර්ශණය කරමින් නගරය වටා විරෝධතා පාගමනකද නිරත වූහ. පාගමන අතරතුරදී පිරිස විසින් රතිඤ්ඤා වැල් කිහිපයක්ද දැල්වූහ.
පසුව එම ස්ථානයට පැමිණි පාර්ලිමේන්තු මන්ත්‍රී නලින් බණ්ඩාර මහතා, දැනට විදේශගතව සිටින මුදල් අමාත්‍යවරයා දිවයිනට පැමිණි වහාම අදාළ ගැටලුව පිළිබදව සාකච්ඡා කිරීමට අවස්ථාවක් ලබාදෙන බව පැවසූ නමුත් ලොතරැයි අලෙවි නියෝජිතයින් ඊට එකග නොවීම හේතුවෙන් මන්ත්‍රීවරයාට ආපසු හැරී යන්නට සිදුවිය.
