රිදී විහාරස්ථ තරුණ බෞද්ධ සංගමය විසින් සංවිධානය කළ ලේ දන්දීමේ පින්කමක් ඓතිහාසික රිදී විහාරස්ථාන පරිශ‍්‍රයේදී ඊයේ (03 දා ) පැවැත්විණි.
රිදී විහාර භාරකාර පූජ්‍ය තිබ්බොටුවාවේ සිද්ධාර්ථ හිමියන්ගේ අනුශාසනා පරිදි රිදී විහාරස්ථ තරුණ බෞද්ධ සංගමය විසින් වාර්ෂිකව සංවිධානය කරනු ලබන මෙම ලේ දන්දීමේ පින්කමේදී භික්ෂූන් වහන්සේ, රිදී විහාර තරුණ බෞද්ධ සංගමයේ සාමාජික සාමාජිකාවන් සහ ප‍්‍රදේශවාසීන් ඇතුලු දෙසියයකට වැඩි පිරිසක් ලේ පරිත්‍යාග කළහ.
ලේ දන්දීමට පැමිණි පරිත්‍යාගශීලින් වෙත සිහිවටන ත්‍යාග සහ වටිනා ඔසුපැල පිරිනැමීමටද සංවිධායක මණ්ඩලය විසින් කටයුතු යොදා තිබිණි.
එම ලේ දන්දීමේ පින්කමෙහි සුවිශේෂි අවස්ථාවන් කිහිපයක් වයඹ ටුඩේ කැමරාවේ මෙලෙස සටහන් විය.
