දංකොටුව සතිපොළෙන් මුස්ලිම් වෙළෙන්ඳන් තාවකාලිකව ඉවත් කරන ලෙසට වෙන්නප්පුව ප්‍රාදේශීය සභාපති සුසන්ත පෙරේරා විසින් දංකොටුව පොලිස් ස්ථානාධිපතිවරයාගෙන් පසුගිය 24 වනදා ලිඛිතව ඉල්ලා තිබේ.
ඒ සම්බන්ධයෙන් මේ මස 28 වෙනිදා අධිකරණය හමුවේ පෙනී සිටින ලෙස මාරවිල අධිකරණය විසින් වෙන්නප්පුව ප්‍රාදේශීය සභාවේ සභාපතිවරයාට නියෝග කරනු ඇති බව දංකොටුව පොලිසිය ආරංචි මාර්ග පවසයි.
දංකොටුව සතිපොළෙහි වෙළෙඳාමේ නිරත මුස්ලිම් ප්‍රජාව ඉන් ඉවත් කරන ලෙස ඉල්ලා තමන් දංකොටුව පොලීසියෙන් ලිඛිතව ඉල්ලා සිට්යේ වෙළෙඳුන් අතර ඇතිවූ ගැටුමක් නිසා බවත් තමන් එසේ කළේ සාමය ආරක්ෂා කිරිමට මිස දේශපාලන අරමුණු ඉෂ්ට කරගැනීමේ උවමනාවෙන් නොවන බව වෙන්නප්පුව ප්‍රාදේශීය සභාවේ සභාපති කේ.වී සුසන්ත පෙරේරා සිය මුහුණු පොතේ සඳහන් කර තිබේ.
සභාපතිවරයාගේ ලිබිතඉල්ලීම සම්බන්ධයෙන් අධිකරනයේ පිහිට පැතීමට අවශ්‍ය වූ අතර එබැවින් මෙම ඉල්ලීම දංකොටුව පොලිස් ස්ථානාධිපතිවරයා විසින් අධිකරණයට යොමුකර තිබේ.
ඒ අනුව කරුණු විමසීම සඳහා අධිකරණය විසින් වෙන්නප්පුව ප්‍රාදේශීය සභාවේ සභාපතිවරයා අධිකරණයට කැඳවනු ලැබ තිබේ.
