දංකොටුව පොදු මාඵ වෙළඳ සංකීර්ණය අද දහවල් (24) වසා දැමීමට දංකොටුව මහජන සෞබ්‍ය වෛද්‍ය නිලධාරී කාර්යාලය සහ වෙන්නප්පුව ප්‍රාදේශීය සභාව එක්ව පියවර ගනු ලැබු බව ලංකාදිප වෙබ් අඩවිය වාර්ථා කොට තිබුණි
පෑලියගොඩ මාළු වෙළඳපොළෙන් දංකොටුව ප්‍රදේශයට මාඵ ප්‍රවාහනය කරන ලොරිරථ රියදුරකුට කොරෝනා වයිරසය ආසාදනය වී ඇතිබවට තහවුරුවීමත් සමග මෙම පියවර ගෙන තිබේ. දංකොටුව – ඇටියාවෙල ප්‍රදේශයේ පදිංචි 42 හැවිරිදි මෙම රියදුරුට කොරෝනා වයිරසය ආසදනය වී ඇති බවට ඊයේ 23 රාත්‍රී වාර්තාවීමත් සමග මෙම පියවරගත් බව වැඩිදුරටත් එහි සඳහන්ය
මෙහිදී පෑලියගොඩ වෙළඳපොළෙන් මාඵ රැගෙන ඒමට ගිය දංකොටුව මාඵ වෙළඳ සංකීර්ණයේ වෙළඳුන් 8 ක් ඇතුඵ සෙසු වෙළෙදුන්ද නිරෝධායනය කර ඇති අතර ඔවුන්ගෙන් 5 දෙනෙකුගේ පී සී ආර් පරීක්ෂණ මේ වනවිට සිදුකර ඇත. ඉතිරි පිරිසගේ පී සී ආර් පරීක්ෂණ 27 වෙනිදින කිරීමට නියමිත බවද දංකොටුව සෞබ්‍ය වෛද්‍ය නිලධාරී කාර්යාලය පවසා තිබේ.
මෙම පුද්ගලයින් ගමන්කල බව පැවසෙන දංකොටුව නගරයේ පිහිටි වෙළඳසැල් 02 ක් වසාදැමීමට මහජන සෞබ්‍ය පරීක්ෂකවරු අද 24 කටයුතුකළහ.
මේ අතර අද පෙරවරුවේ වෙන්නප්පුව ප්‍රාදේශිය සභාව තුල ද විශේෂ සාකච්ජාවක් පවත්වා තිබුනේ වෙන්නප්පුව ප්‍රදේශිය සභා බල ප්‍රදේශය තුල කොරෝනා පැතිරිම පාලනය කිරිම සම්බන්ධයෙනි.
මේ රැස්විම පිළිබදව ෆේස් බුක් සටහනක් තබා ඇති අයෙකු විසින් අවධාරණය කර තිබුනේ ධිවර ජනතාව දැනුවත් කිරිමට වැඩි අවධානයක් යොමු කළ යුතුව ඇති බවය
