(11.060 අද පාන්දර (21) කන්ටේනර් රථයක් වෙළද සැළක් තුළට කඩා වැදීමෙන් අනතුරක් සිදුවී තිබේ.
හලාවත පොලීසිය කියයි. හලාවත නගර සීමාව තුළ මෙම අනතුර සිදුවී ඇත.
කුරුණෑගල දෙස සිට හලාවත දෙසට ගමන් කරමින් තිබූ කන්ටේනර් රථයක් කිසියම් අවශ්‍යතාවයක් සදහා මාර්ගය අයිනේ නවතා තිබී ඇත.එම දෙසටම ධාවනය වූ තවත් කන්ටේනර් රථයක් නවතා තිබූ කන්ටේනර් රථයේ පිටුපස මුලින්ම ගැටී ඇත.එම ගැටීමත් සමගම නවතා තිබූ කන්ටේනර් රථය ඉදිරියට ඇදී ගොස් වෙළද සැළක් තුළට කඩා වැදී ඇත.
අනතුරින් වෙළද සැළ තුළට කඩා වැදී ඇති කන්ටේනර් රථයේ රියදුරු කම්පනයට පත්ව සිටීම හේතුවෙන් ප්‍රතිකාර සදහා හලාවත මහා රෝහලට ඇතුළත් කර ඇත.වෙනත් කිසිවෙකුට තුවාල සිදුවී නොමැති බව පොලීසිය කියයි.
