මහරගම නාවින්න හයිලෙවල් පාරේ අල්ෆා ඩිජිටල් පුද්ගලික සමාගම විසින් අවස්ථා හතරකදී පෞද්ගලික බැංකුවකින් ලබාගත් රුපියල් එක්කෝටි විසි ලක්‍ෂයක ණය මුදලක් හා ඊට අයත් පොලී මුදල් නොගෙවා පැහැර ඇරීම හේතුවෙන් එම ණය මුදල හා පොළී මුදල අය කර ගැනීම සදහා එම බැංකුව විසින් ඇල්ෆා ඩිජිටල් පුද්ගලික සමාගමට සහ නුගේගොඩ ගංගොඩවිල ජම්බුගස්මුල්ල මාවතේ අංක 28 දරන ස්ථානයේ පදිංචි බන්ධුල ගුණවර්ධන මහතාට එරෙහිව නඩුව පැවරීය.
එම නඩුව විභාගයට ගත් අවස්ථාවේදී බන්දුල ගුණර්ධන මහතා සදහන් කර ඇත්තේ තමන් අත්සන් තබන්නේ උකස්කරයකට බව නොදැන යම ලේඛනයකට අත්සන් කල බවයි. ඔහුගේ එම ප්‍රකාශයෙන් පසුව නඩු සම්බන්දයෙන් සිය තීන්දුව ප්‍රකාශයට පත්කල කොළඹ වාණිජ මහාධිකරණ විනිසුරු අශාන් මරික්කාර් මහතා කියා සිටියේ ප්‍රසිද්ධ උපකාරක පන්ති ගුරුවරයකු වන ගුණවර්ධන මහතා වැන්නකු නොදැන අත්සන් කළැයි කියන කරුණු පිළිගත නොහැකි බවයි. ඒ අනුව විනිසුරුතුමන් නියෝග කර සිටියේ ඔහු විසින් එම ණය මුදල නොගෙවුවහොත් ඒ මහතාගේ නුගේගොඩ ජම්බුගස්මුල්ල මාවතේ පිහිටි ඔහුට අයත් දේපළ ප්‍රසිද්ධ වෙන්දේසියේ විකුණා එම මුදල් අයකර ගන්නා ලෙසටයි.
