රංගන ශිල්පී ජයලත් මනෝරත්න මහතා සමුගනියි

(8.51 am) ප්‍රවීන කලාකරුවෙකු වූ ආචාර්ය  ජයලත් මනෝරත්න මහතා අද අලුයම අභාවප්‍රාප්ත විය. කලක් රෝගාතරව සුව අතට පත්වී සිටි ජයලත් මනෝරත්න මහතා මිය යන විට වයස 71කි. දක්ෂ රංගන ශිල්පියෙකු මෙන්ම දක්ෂ නාට්‍යකරුවෙකු වූ ඔහුගේ විශිෂ්ට රංගනය සම්මානයෙන් පිදුම් ලැබීය.  2016 වසරේ ‘හෝ ගානා පොකුණ‘ චිත්‍රපටයේ හෝදම නලුවාට හිමි සම්මානය ඔහුට හිමිවිය. 2014 වසරේ සාර්ක් චිත්‍රපට උලෙළේ හොඳම චිත්‍රපටය මෙන්ම හොඳම අධ්‍යක්ෂවරයාට හිමි සම්මාන දිනාගත් ‘ සූවිසි විවරණයි‘  චිත්‍රපටයේ කළ රංගනය උදෙසා ජයලත් මනෝරත්න කල්කටා බයිස්කෝප් සිනමා උලෙළේ හොඳම නළුවා ලෙසට අභිසෙස් ලැබීය.  ජයලත් මනෝරත්න මහතාට 2019  වසරේ   ගෞරව පිනිස කොළඹ ජාත්‍යන්තර නාට්‍ය උලෙළ මෙවර ප්‍රවීණ නාට්‍යවේදී ආචාර්ය ජයලත් මනෝරත්න අභිනන්දන නාට්‍ය උලෙළ නමින් නම්කරන ලදි.