අලුත් අවුරුද්ද හා බැදුණු වැදගත් චාරිත්‍රයක් වන හිස තෙල් ගෑමේ චාරිත්‍රය ඉටුකිරීම දිවයින පුරා පිහිටි වෙහෙර විහාරස්ථාන මුල්කරගනිමින් අද පෙරවරු 10.41 ට යෙදුණු සුබ මොහොතින් සිදු කෙරිණි.
අලුත් අවුරුදු නැකැත් සීට්ටුවට අනුව නිල් පැහැති වස්ත්‍රාභරණයෙන් සැරසී බටහිර දිශාව බලා හිසට නුගපත්ද, පයට කරද පත්ද තබා තල තෙල් සහ නුගපත් මිශ්‍ර නානු ගා හිස තෙල් ගෑමේ චාරිත්‍රය ඉටුකිරීමට දිවයින පුරා වෙසෙන සිංහල සහ දමිළ ජනතාව එක් වී සිටියහ.
දොඩම්ගස්ලන්ද, ලිහිණිවැහැර ශ්‍රී සුමංගලාරාම විහාරවාසී ගොපල්ලව සුමංගල ස්වාමීන් වහන්සේගේ මූලිකත්වයෙන් එම විහාරස්ථානයේදී හිස තෙල් ගෑමේ චාරිත්‍රය සිදු වූ අයුරු වයඹ ටුඩේ කැමරා කාචයෙහි මෙලෙස සටහන් විය.
