කියයි.
දොඩම්ගස්ලන්ද , පේරගහඇල පදිංචි , එම ප‍්‍රදේශයේම විදුහලක ඉගෙනුම ලැබූ මෙම බාලවයස්කාර දැරිය සති අන්ත දිනවල දී මැල්සිරිපුර නගරයේ පිහිටි පුද්ගලික උපකාරක පන්තියකට පැමිණ ඇති අතර මැල්සිරිපුර නගරයේ පිහිටි ත‍්‍රීරෝද රථගාලක සිටි කුලී රියදුරෙකු ලෙස සේවය කළ මෙම තරුණයා සමග පෙමින් බැදී ඇති බව පොලීසිය කියයි.
මෙම සිසුවිය විසින් බුද්ධ පින්තූරයක් ගෙනැවිත් දෙන ලෙසට මෙම රියදුරාට මුදල් දී ඇති බවත් එදින දෙදෙනා අතර ඇති වූ හිතවත්කම පසුව පේ‍්‍රමයකට පෙරලීමෙන් අනතුරුව දෙදෙනා ප‍්‍රදේශයෙන් පලා ගොස් ඇති බව ද පොලීසිය පවසයි.
තම බාලවයස්කාර දියණිය තරුණයෙක් සමඟ පලාගොස් ඇති බවට ඇයගේ මව ගොකරැල්ල පොලීසියේ ළමා හා කාන්තා කාර්යාංශය වෙත කරන ලද පැමිණිල්ලක් අනුව මොවුන් දෙදෙනාට දුරකථනයෙන් අමතා උපක‍්‍රමශීලීව පොලිසිය වෙත ගෙන්වා ගැනීමෙන් අනතුරුව තරුණයා අත්අඩංගුවට ගැනීමට පොලිස් නිලධාරීහු සමත් වී තිබේ.
අත්අඩංගුවට ගත් තරුණයා බාලවයස්කාරියක් අපහරණය කිරීම සම්බන්ධයෙන් අධිකරණය වෙත ඉදිරිපත් කිරීමට නියමිතව තිබූ අතර පොලිසිය විසින් අදාළ දැරිය දෙමාපියන් වෙත භාරදෙනු ලැබීය.
( ඉබ්බාගමුව සම්පත් සෙනෙවිරත්න )
