නිධානයක් ගොඩ දැමීමට උත්සාහ කළ බව කියන ස්වාමීන් වහන්සේ නමක් ඇතුළු සිව් (04) දෙනෙකුව අත්අඩංගුවට ගෙන ඇති බව සාලියවැව පොලීසිය කියයි.
පසුගිය 22 වැනිදා සවස 5.00 ට පමණ මෙම අත්අඩංගුවට ගැනීම සිදු කර ඇත.
කරුවලගස්වැව – මූනමල්ගස්වැව ප්‍රදේශයේ ඉඩමක කිසියම් පිරිසක් නිධානයක් ගොඩ දැමීමට සුදානම් වන බවට ලැබුණු තොරතුරක් අනුව මෙම වැටලීම සිදු කර ඇත.වැටලීම සිදු කරන විට සැකකරුවන් නිධානය ගොඩ දැමීම සදහා අවශ්‍ය කටයුතු සුදානම් කර කැනීම් සිදු කරමින් සිටි බව පොලීසිය කියයි.
අත්අඩංගුවට ගෙන ඇති ස්වාමීන් වහන්සේ දංකොටුව – යෝගියානේ විහාරස්ථානයක වැඩ වාසය කරන බවත්,අනෙක් සැකකරුවන් ගෙන් එක් අයෙකු නාරම්මල සහ දෙදෙනෙකු මූණමල්ගස්වැව පදිංචිකරුවන් බවටද හදුනා ගෙන ඇති බව පොලීසිය කියයි.
සැකකරුවන් පුත්තලම මහේස්ත්‍රාත් අධිකරණයට ඉදිරිපත් කිරීමට නියමිතව ඇත.
ජූඩ් සමන්ත
