මෙම සිද්ධිය නිසා ශ්‍රී ලංකන් සමාගමටද විශාල අලාභයක් විඳින්නට සිදුවූ බව සඳහන් කරන අතර අදාළ සමාගමෙන් වන්දි මුදල් අයකර ගැනීම සඳහා රජය වහා කටයුතු කළ යුතුව ඇතැයි ද රනිල් වික්‍රමසිංහ මහතා සඳහන් කළේය. මෙලෙස වූ අලාභයට වන්දි ගෙවන්නට සිදු වී ඇත්තේ ශ්‍රී ලාංකික ජනතාවට බවත් එයාර් බස් සමාගමට විරුද්ධව නඩු පවරා වන්දියක් ලබා ගැනීම සඳහා විශේෂ දැනුමක් ඇති විදේශ නීතිඥ සමාගම් සමග සාකච්ඡා කොට පියවර ගතයුතු බවත් රනිල් වික්‍රමසිංහ මහතා ප්‍රකාශ කරන ලදී.
තම රජය පැවැති සමයේ මෙවැනි සිද්ධියක් හෙළිදරව් වූයේ නම් අදාළ සමාගමෙන් ගුවන් යානා මිලදී ගැනීම මෙන්ම බදු පදනම මත ගැනීමද වහාම තහනම් කරන බවද ඔහු කීය.
