සීගිරිය රැළි ක්‍රොස් මෝටර් රථ ධාවන සහ යතුරුපැදි ධාවන තරගය අතරතුරදී සිදු වූ අනතුරක් හේතුවෙන් බරපතල තුවාල ලබා රෝහල් ගතකරනු ලැබ සිටි යතුරුපැදි ධාවන ශූර ආනන්ද වෙඩිසිංහ මේ වන විට ඉබ්බාගමුව, පාන්ගොල්ල යුධ හමුදා කදවුරු ධාවන පථයේදී පැවැත්වෙන කැවල්රි සුපර් ක්‍රොස් මෝටර් රථ ධාවන සහ යතුරුපැදි ධාවන තරගයටද එක් වී සිටී.
මීට ටික වේලාවකට පෙර කැවල්රි සුපර් ක්‍රොස් තරගාවලියේ සිය පළමු තරගයට එක් වූ ආනන්ද වෙඩිසිංහට එහි මුල් ස්ථානයක් වාර්තා කිරීමට නොහැකි විය.
තමා කැවල්රි සුපර් ක්‍රොස් තරගාවලියට එක්වන්නේ මැහුම් දොළහක් යෙදූ තුවාලයක් සහිතව බවත්, තමන්ගේ ගමේ තරගයට එක් වී ප්‍රේක්ෂකයින් සතුටු කිරීම තරග තමන්ගේ බලාපොරොත්තුව බවත් තරග ආරම්භයට පෙර මාධ්‍යයට අදහස් දක්වමින් ආනන්ද වෙඩිසිංහ පැවසීය.
ඡායාරූප – අමිත් වීරරත්න
