බලපත්‍රලාභි විදේශ රැකියා නියෝජිත ආයතන සංගමයට (ALFEA) අභිනවයෙන් තේරී පත් වූ සභාපතිවරයා ඇතුලු විධායක සභිකයින් පිළිගැනීම වෙනුවෙන් වයඹ විදේශ රැකියා නියෝජිතයින්ගේ සංගමය (AWFEA) විසින් සංවිධානය කළ උත්සවයක් පසුගියදා මාවතගම, අස්ලිය උත්සව ශාලාවේදී පැවැත්විණි.
එහිදී බලපත්‍රලාභි විදේශ රැකියා නියෝජිත ආයතන සංගමයේ අභිනව සභාපතිවරයා ලෙස තේරී පත් වූ ඒ. එල්. ඒ. හසාම්, ලේකම් ධූරයට පත් වූ මොහොමඩ් අර්ෂාඩ්, භාණ්ඩාගාරික ලෙස පත් වූ සමන් තාහා, උප සභාපති ධූරයට පත් ලංකා විජිත කුමාර, නව උප ලේකම් ටිරන් කුමාර රත්නායක සහ කමිටු සාමාජිකයින් ලෙස පත් වූ නිහාල් විජේවර්ධන, විග්නේෂ්වරම්පිල්ලේ යන මහත්වරුන් වයඹ විදේශ රැකියා නියෝජිතයින්ගේ සංගමයේ සභාපති මොහොමඩ් රිෆාල් මහතා ඇතුලු සාමාජිකයින් විසින් උණුසුම් අයුරින් පිළිගනු ලැබූහ.
ක්ෂේත්‍රයේ දියුණුව වෙනුවෙන් කැපකිරීම් කළ විදේශ රැකියා නියෝජිතයින් කිහිපදෙනෙකු ඇගැයීමද මෙහිදී සිදුකෙරිණි. පිළිගැනීමේ උත්සවයේ විශේෂ අවස්ථාවන් වයඹ ටුඩේ කැමරා කාචයෙහි මෙලෙස සටහන් විය.
