(2.15pm) ජනවාරි 10 වැනිදා රාත්‍රීයේදී හලාවත – සිංහපුර ප්‍රදේශයේදී ඩුබායි සිට නීති විරෝධී ලෙස මෙරටට ගෙන එන ලද දුම්වැටි තොගයක් මෝටර් රථයකින් ප්‍රවාහනය කරමින් සිටි සැකකරුවෙකු අත්අඩංගුවට ගැනීමට හලාවත පොලීසියේ නිලධාරීන් කටයුතු කර ඇත.
සැකකරු පදවා ගෙන පැමිණ ඇති මෝටර් රථයේ තිබී විදේශීය රටක නිෂ්පාදනය කරන ලද සිගරට් බණ්ඩල් 229 ක් තිබී ඇත.එහි සිගරට් 45,800 ක් අඩංගු පැකට් 229 ක් තිබී ඇත.අත්අඩංගුවට ගෙන ඇති දුම්වැටි තොගයේ වටිනාකම තක්සේරු කර නැත.
අත්අඩංගුවට ගෙන ඇති සැකකරු මීට පෙරද විවිධ චෝදනාවන් යටතේ පොලීසිය විසින් අත්අඩංගුවට ගෙන ඇති අයෙකු බවට හදුනා ගෙන ඇත.
සැකකරු සහ දුම්වැටි තොගය,මෝටර් රථයද හලාවත මහේස්ත්‍රාත් අධිකරණයට ඉදිරිපත් කිරීමට නියමිතව ඇත.හලාවත පොලීසිය වැඩිදුරමර්ශණ කටයුතු කරගෙන යයි.
ජුඩ් සමන්ත.
